အိုင်တီမြန်မာအကြောင်း

လူကြီးမင်း၏ စီးပွားရေးလုပ်ငန်းအမျိုးမျိုးတို့အတွက် ယနေ့အခက်အခဲအမျိုးမျိုးတို့ကို နည်းပညာအသုံးပြု၍ ကျော်လွှားနိုင်ရန်၊ နှင့် လာမည့်အခွင့်အလမ်းအမျိုးမျိုးတို့ကို နည်းပညာအကူအညီဖြင့် ရယူနိုင်ရန် တို့အတွက် အိုင်တီမြန်မာသည် ပြည်တွင်းနည်းပညာကုမ္ပဏီတစ်ခု ဖြစ်ပါသည်။

အိုင်တီမြန်မာ၏ ဆောင်ပုဒ်သည် “သင့် စီးပွားရေးလုပ်ငန်းများအတွက် အိုင်တီနည်းပညာမိတ်ဆွေ” ဖြစ်ပါသည်။ စီးပွားရေးလုပ်ငန်းများကို နည်းပညာဝန်ဆောင်မှုပေးရာတွင် ၁) နိုင်ငံတကာအဆင့်မှီ ဝဘ်ဆိုဒ်ရေးဆွဲပေးခြင်း၊ ၂) လုပ်ငန်းသုံးဆော့ဖ်ဝဲများ ဝန်ဆောင်မှုပေးခြင်း၊ အင်တာနက်ကြော်ငြာ ဝန်ဆောင်မှုပေးခြင်း၊ နှင့် ရုံးသုံးအိုင်တီဝန်ဆောင်မှုပေးခြင်းတို့ ပါဝင်ပါသည်။

အိုင်တီမြန်မာကို နည်းပညာအလုပ်ကို နှစ်သက်သော မြန်မာလူငယ်များက ၂၀၁၆ ခုနှစ်တွင် ဂုဏ်ယူစွာဖြင့် ဖွဲ့စည်းထူထောင်ထားပါသည်။ ရုံးနေရာသည် ရန်ကုန်မြို့၊ ကျောက်တံတားမြို့နယ်၊ ဆိပ်ကမ်းသာလမ်းတွင် တည်ရှိပါသည်။

ရုံးနေရာသည် ရန်ကုန်မြို့၊ ဆိပ်ကမ်းသာလမ်းတွင်တည်ရှိ၍၊ ၂၀၁၆ တွင် ထူထောင်ခဲ့ပါသည်။ အိုင်တီမြန်မာတွင် စိတ်တူကိုယ်တူဖြင့် ဝင်ရောက်လုပ်ကိုင်ခဲ့/နေသော လုပ်ဖော်ကိုင်ဖက်များ၊ လုပ်ငန်းမိတ်ဖက်များ၊ နှင့် တဖက်တလမ်းမှ အားပေးကူညီခဲ့သော မိဘ၊ ဆွေမျိုးများ၊ မိတ်ဆွေများကို ဒီနေရာကနေ ကျေးဇူးတင်မိပါသည်။ ယခု ၂၀၁၉ ခုနှစ်ဆိုလျှင် အိုင်တီမြန်မာ၏ သက်တမ်းသည် ၃ နှစ်ကျော်ထဲကို ရောက်ရှိနေပြီဖြစ်ပါသည်။

အလုပ်ပြီးမြောက်မှုများအဖြစ် နည်းပညာဝန်ဆောင်မှုအပိုင်းတွင် စီးပွားရေးလုပ်ငန်းအနည်းငယ်ကို နည်းပညာဝန်ဆောင်မှုများ ပေးအပ်နိုင်ခဲ့ပါသည်။ အွန်လိုင်းပလက်ဖောင်ဝန်ဆောင်မှု အပိုင်းတွင်လည်း ကျွန်ုပ်တို့သည် အလွန်ကောင်းမွန်သော နေရာမှ ရပ်တည်နေနိုင်ပါပြီ။ ထို့အတွက် ကျွန်ုပ်တို့သည် အိုင်တီမြန်မာ၏အဖွဲ့ဝင်များနှင့် အတူတကွ လုပ်ကိုင်ဆောင်ရွက်ခဲ့ရသည်ကို ဂုဏ်ယူမိပါသည်။

ယနေ့ခေတ် နည်းပညာဝန်ဆောင်မှုပေးသော ကုမ္ပဏီတစ်ခု အတွက် စိန်ခေါ်မှုများစွာ ရှိနေသလို၊ အခွင့်အလမ်းများစွာလည်းရှိနေပါသည်။ ကျွန်ုပ်တို့ အိုင်တီမြန်မာ၏ အဖွဲ့ဝင်များသည် အလုပ်အပေါ်တွင်အကြွင်းမဲ့ယုံကြည်မှု၊ ကိုယ်အလုပ်တာဝန်ကိုကျွမ်းကျင်ပိုင်နိုင်မှု၊ အချင်းချင်းအပြန်အလှန်လေးစားမှု၊ နှင့် ပျော်ရွှင်စွာပူးပေါင်းဆောင်ရွက်မှုတို့ဖြင့် တစ်နေ့တာလုပ်ငန်းဆောင်တာများကို ပျော်ရွှင်စွာ လုပ်ကိုင်ဆောင်ရွက်ပါသည်။

အနာဂတ်တွင် ပြောင်းလဲလာမည့် နိုင်ငံရေး၊ စီးပွားရေး၊ လူမှုရေး နှင့် ပြောင်းလဲလာမည့် နည်းပညာသည် ကျွန်ုပ်တို့အားလုံး တွေ့ကြုံဖြတ်သန်းရမည့်အခြေအနေများဖြစ်ပါသည်။ ကျွန်ုပ်တို့အားလုံးသည် အဆိုပါ အခြေအနေများမှ ဖြစ်ပေါ်လာသော စိန်ခေါ်မှုအသစ်များ နှင့် အခွင့်အလမ်းအသစ်များကို အကောင်းဆုံး ပြင်ဆင်ထားရမည်ဟု နားလည်ထားပါသည်။

ဦးအောင်ချမ်း (Co-founder)

‌ဒေါ်ထက်ထက်(Co-founder)